Olga Sveinbjörnsdóttir

29.8.2010 | 23:38

Mikið - meira - mest, Margt- fleira-flest.

Það er ekki nóg með að þurfa að umbera vitleysuna um mikið af fólki (í stað margt fólk) sem virðist vera orðin alveg föst í munni blaða-og fréttamanna , heldur hefur nú bæst við meira fólk !!!
Hvað er fólk eiginlega að hugsa ? Auðvitað á þetta að vera fleira fólk. Ja hérna blaðamannastéttinni fer greinilega aftur í málfarsvitund.

Á maður þá ekki von á eftir að öllum réttum er lokið, að fá upplýsingar um hvar mest fólk var?

Nei nú er mér nóg boðið. Maður lærði þá einföldu þumalputtareglu í barnaskóla að segja margt, um það sem hægt er að telja en mikið um það sem er vigtað eða mælt sbr. margir hvalir eða fiskar sem veiddir eru í stykkjatali en mikið af fiski sem mældur er í kílóum eða tonnum.